Lancelot Hogben

Lancelot Thomas Hogben

Profesiono:	zoologiisto, genetikisto e linguistikisto

Lando:	Unionita Rejio
Naskodato:	9 di decembro 1895
Nasko-loko:	Portsmouth, Anglia
Mortodato:	22 di agosto 1975
Morto-loko:	Wrexham, Wals

Lancelot Thomas Hogben (1895 til 1975) esis plurarta Angla zoologiisto e medikala statistikisto. Ilu remarkesas pro lua libri pri cienco, matematiko, e linguistiko. Il esis kreinto dil linguo Interglossa, qua pose divenis Glosa, e il esis Marxisto. Hogben mariajis su kun la matematikino, statistikistino e feministo Enid Charles en 1917. Il fondis la Jurnalo di Experimentala Biologio, kun Julian Huxley e J. B. S. Haldane.

Il naskis en Portsmouth, e kande ilua gepatri transportis sua moblim a London, il frequentis Tottenham Komtio Skolo. Il pose studis fiziologio en Trinity Kolegio en Cambridge, e obtenis sua diplomo en 1915. Il aquirabis konvinki socialista, e rinomis Fabiana Societo a Socialista Societo. Pose en ilua vivo, il nomis su 'humanisto ciencala'.

Dum l'Unesma mondomilito, il esis pacifisto ed enkarcerigabis en 1916; pos sis-monata laboro en Reda Kruco en Francia, e ilu intencis retrovenir a Cambridge. Ilua saneso febleskis pos mala traktado, e il liberigabis en 1917.

Pos yaro di konvaleco, il komencis en Londonana universitati, e transportis sua mobli en 1922 al Universitato di Edinburgh. Il pose iris a McGill Universitato, e en 1927 a zoologiala employeso al Universitato di Kab-urbo.

En 1930 li transportis sua iris a London skolo di ekonomiko, en employeso por societal biologio. En 1932 il kun Haldane, Huxley e Francis Albert Eley Crew (1886-1973) fondis Societo di Experimentala Biologio. Segun Gary Werskey, Hogben esis la nur uno dil quaro qua ne havis eugenika idei.

Ilua employeso por societal biologio pluforteskis da la Rockefeller Fondajo e kande ol revokis fundo, Hogben chanjis sua lojeyo, e divenis Regius Profesoro di Naturala Historio an l'Universitato di Aberdeen en la yaro 1937. Dum ke Hogben esis an Aberdeen, il divenis interesata pri linguistiko. Ultre l'edito di "The Loom of Language" da sua amiko Frederick Bodmer, il kreis internaciona linguo, Interglossa, kom 'esbosuro di helpanto por demokrata mond-klaso'.

Dum la Duesma mondomilito, Hogben responsis pri la medikala statistiki dil britanian armeo. Il retretis en 1961 de l'Universitato di Birmingham.